Kreu i KQZ-së Celibashi paralajmëroi votuesit që shesin votën për pasoja penale.
Teksa dha një konferencë shtypi lidhur me votën e diasporës, ai theksoi se nëse votuesit kapen duke u marrë me shitblerje votash rrezikojnë deri në 5 vjet burg.
Ai tha gjithashtu se KQZ-ja garanton votën pasi ajo të jetë marrë në dorëzim nga DHL e më pas nga KQZ-ja.
“Në momentin që fleta është në sistemin e DHL dhe KQZ, garantoj 100% ruajtjen e fshehtësisë, kjo garantohet plotësisht nga ne. Nëse votuesit duan ta shesin, blejnë apo tregojnë, është çështje e tyre. Do të thotë se kanë llogaritur edhe pasojat penale. Nëse një fenomen i tillë ndodh, ai shoqërohet me sanksione penale të rënda, deri në 3, 4 apo 5 vite burgim.” – paralajmëroi Celibashi.
