Importet kineze në SHBA mund të përballen me tarifa deri në 245%, sipas një dokumenti të Shtëpisë së Bardhë të publikuar të martën. Paralajmërimi vjen mes një përçarjeje në rritje tregtare midis dy ekonomive më të mëdha në botë.
Administrata e presidentit Trump ka përmendur hakmarrjen e Pekinit ndaj tarifave të mëparshme si arsyen për rritjen e fundit të mundshme.
“Kina tani përballet me një tarifë prej 245% mbi importet në Shtetet e Bashkuara si rezultat i veprimeve të saj hakmarrëse”, thuhet në dokument. Megjithatë, nuk është e qartë nga dokumenti se kur do hyjë në fuqi rritja, shkruan rt.
Uashingtoni ka vendosur disa rritje të mëdha tarifash ndaj Pekinit në dy muajt e fundit, duke rritur tarifat nga 20% që ishin në fillim.
Hakmarrja e Pekinit ka përfshirë një rritje deri në 125% të të gjitha importeve amerikane, një pezullim të dërgesave globale të metaleve dhe magneteve të rralla të përdorur në industrinë teknologjike dhe ushtarake, dhe një urdhër për linjat ajrore kineze që të ndalojnë pranimin e avionëve dhe pjesëve të Boeing.
