Gjykata e Apelit të Posaçëm për Korrupsionin dhe Krimin e Organizuar ka rrëzuar më 24 prill kërkesën e Erion Veliajt për heqjen e sekuestros ndaj celularit të tij. Me vendim të gjyqtarit Engert Pëllumbi, u la në fuqi vendimi i mëparshëm i Gjykatës së Shkallës së Parë.
Veliaj ka të drejtë ta ankimojë vendimin në Gjykatën e Lartë brenda 45 ditësh.
Vendimi:
Gjykata e Posaçme e Apelit për Korrupsionin dhe Krimin e Organizuar, me trup gjykues monokratik të përbërë nga gjyqtari Engert Pëllumbi, sot më 24.04.2025, shpalli vendimin mbi çështjen penale nr. 107, datë 18.04.2025 regjistrimi, regjistruar mbi ankimin e ankuesit E.V., me objekt: “Ankim ndaj vendimit nr. 132 akti, datë 04.03.2025 të Gjykatës së Posaçme të Shkallës së Parë për Korrupsionin dhe Krimin e Organizuar, për kundërshtimin e vendimit të prokurorit për vleftësimin e sekuestros”, dhe vendosi:
• Miratimin e vendimit nr. 132 Akti, datë 04.03.2025 të Gjykatës së Posaçme të Shkallës së Parë për Korrupsionin e Krimin e Organizuar.
• Kundër këtij vendimi mund të bëhet rekurs në Gjykatën e Lartë, brenda 45 (dyzet e pesë) ditëve nga e nesërmja e njoftimit të tij.
