Një person ka humbur jetën sot në fshatin Gur i Zi në Shkodër pas një aksidenti. Mësohet se viktima është identifikuar si 65-vjeçari Njac Rroku.
Ai është përplasur nga një makinë teksa udhëtonte me motor anash rrugës. Pas aksidentit ai është dërguar me shpejtësi në spitalin e Shkodrës, por nuk ka mundur dot t’u mbijetojë plagëve të marra.
Autori i dyshuar i aksidentit ka bërë transportimin e tij drejt spitalit dhe më pas është ndaluar nga policia. Kjo e fundit po heton për shkaqet e aksidentit.
