Një kamion që transportonte karburant bërthamor në një nga centralet bërthamore të Brazilit është sulmuar nga një grup njerëzish të armatosur, të cilët u përplasën me armë me oficerët e policisë që ruanin karvanin.
Dërgesa e uraniumit u sulmua të martën në qytetin Frade, rreth 30 km nga Angra dos Reis, ku ndodhet fabrika e energjisë bërthamore “Angra 2”.
Pas një shkëmbimi intensiv të zjarrit me personat e armatosur, oficerët, të cilët nuk u lënduan, arritën të ndalojnë sulmin, tha policia.
“Eletronuclear”, dega e “Centrais Elétricas Brasileiras SA” që menaxhon fabrikën bërthamore “Angra 2”, theksoi se incidenti nuk shkaktoi vonesa në dërgimin e uraniumit. Kompania dyshin gjithashtu se sulmuesit kishin për qëllim të rrëmbenin ngarkesën.
Sipas policisë, sulmi ndodhi kur mjetet u ndalën në një mbikalim trenash, por nuk dihet ende nëse agresorët kishin për qëllim grabitjen e materialit bërthamor apo nuk kishin dijeni për lëndën bërthamore dhe po kryenin një grabitje të zakonshme.
