Cristiano Ronaldo shënoi një gol mahnitës nga një largësi e madhe teksa Juventusi ruajti kryesimin pas fitores 3-1 ndaj Genoas.
Kur nga fundi kanë mbetur edhe 9 javë, Juve ka 4 pikë më shumë se Lacio e kësisoj duhet të gabojë sa më pak në pjesën e mbetur.
Ylli portugez shënoi golin e tij të 24-të të kampionatit nga rreth 22 metra largësi në minutën e 56-të të ndeshjes.
Edhe Lacio e fitoi ndeshjen e saj ndaj Torinos jashtë fushe duke ruajtur largësinë nga kreu ndërsa Interi ka sot mundësinë të forcojë pozitat kur të presë në Milano, Breshian.
