356 qytetarë janë gjobitur 24 orët e fundit në mbarë vendin për shkak të mosmbajtjes së maskës.
Sipas policisë, është ulur ndjeshëm numri i qytetarëve që nuk e mbajnë maskën që është bërë e detyrueshme që nga e enjtja e shkuar.
7 qytetarë janë shoqëruar në polici pasi nuk kanë pasur me vete mjetin e identifikimit me vete e pasi janë gjobitur me 30 mijë lekë janë lënë të lirë.
Policia u bën thirrje qytetarëve që të mbajnë maskën sa të dalin nga shtëpia si dhe pronarëve të lokaleve që të zbatojnë regullat e vendosura nga qeveria.
Po kështu blutë u bëjnë thirrje qytetarëve që të denoncojnë personat që nuk mbajnë maska.
