Dy persona përpiqen të grabisin një person por përfundojnë vetë në viktima.
Videoja e filmuar në SHBA ka bërë xhiron e rrjeteve sociale brenda pak orësh nga shpërndarja e duket gati-gati si një situatë komike edhe pse bëhet fjalë për një tentativë grabitjeje.
Në pamje shfaqen dy persona që vrapojnë drejt një burri ndërsa ai del nga automjeti i tij pasi e parkoi në një rrugë banimi. Më i vogli nga dy grabitësit i drejton armën burrit dhe ai nis të ecë ngadala mbrapa.
Befas ai e godet me forcë grabitësin e armatosur, e kap shpejt nga pas dhe e përplas në rrugë, çast në të cilin bashkëpunëtori i grabitësit largohet disa metra nga vendi i ngjarjes.
Grabitësit i bie arma nga dora pas rrëzimit në tokë ndërsa burri i vë gjurin mbi trup për ta mbajtur poshtë vetes. Më pas dy grabitësit largohen me vrap nga vendi i ngjarjes duke lënë pas vetes armën.
