“The Sun” ka kritikuar Mourinhon për gjestin ndaj tifozëve të Juventusit. Manchester United fitoi ndaj Juventusit në ndeshjen e radhës në Champions League, gjë që bëri që Jose Mourinho të shpërthejë në festë, me gjestin e dorës në vesh duke provokuar të gjithë tifozët juventinë, të cilët gjatë të gjithë ndeshjes e vërshëllyen dhe e fyen për shkak të së kaluarës së tij me Interin.
Ky gjest i Mourinhos është kritikuar shumë. Tabloidi i njohur britanik, në faqen e parë të tij kishte publikuar artikullin me titullin “Pa klas”, e përkrah ishte fotoja e Mourinhos që nuk lë asnjë vend për interpretime.
Në lidhje me gjithë këtë debat reagoi edhe vetë trajneri. “Nuk i ofendova tifozët e Juventusit, ata më ofenduan mua. Gjatë ndeshjes unë e harrova që kam qenë pjesë e Interit, kurse ata jo”, tha Mourinho.
