Ernest Gjoka do të jetë trajneri i ri i Kamzës. Këtë e ka njoftuar faqja zyrtare e klubit në “Facebook”. Për ish-trajnerin e Vllaznisë së fundmi, bëhet fjalë për një rikthim te kamzalinjtë pasi ai ka qenë edhe më parë trajner i ekipit në sezonin 2011-2012.
Orët e fundit Kamza njoftoi po në faqen e saj zyrtare se ishte pranë akordit me italianin Salvatore Kiulo, por duket se ngjarjet kanë marrë një rrjedhë tjetër. Ernest Gjoka ka pasur më parë edhe drejtimin e Kukësit, Flamurtarit, Apolonisë dhe Tomorit.
