Katër persona humbën jetën ndërsa një i pestë u plagos, pasi një helikopter ushtarak turk u rrëzua në një zonë banimi në rrethinat e Stambollit, njoftoi media lokale.
Helikopteri u rrëzuan teksa fluturonte mbi “Sancaktepe”, një lagje në lindje të Stambollit, sipas mediave lokale. Katër persona që ishin në bord u vranë në rrëzimin vdekjeprurës dhe njëri u plagos rëndë, njoftoi media lokale “NTV”.
Helikopteri i rrëzuar është i tipit “UH-1”, një lloj helikopteri amerikan i ndërtuar nga shërbimet që ka qenë në shërbim qysh në Luftën e Vietnamit.
Helikopteri thuhet se po kthehej nga një fluturim trajnimi rutinë dhe u rrëzua gjatë uljes në një bazë ushtarake aty pranë.
“NTV” citoi kryetarin e “Sancaktepe”-s, i cili tha se “UH-1” goditi çatinë e një ndërtese para se të godiste tokën.
Në vendngjarje mbërriti menjëherë Shefi i Shtabit të Përgjithshëm të Turqisë, Hulusi Akar, si dhe brigadat zjarrfikëse dhe ambulanca të shumta.
