Templates by BIGtheme NET

“Provokacja”, flamuri rus shpaloset në katedralen e qytet anglez ku u helmua ish-agjenti Skripal

Një flamur rus është shfaqur në katedralen e qytetit anglez në të cilin një vit më parë u helmua agjenti rus Sergei dhe Yulia Skripal, vajza e tij.

Në orët e para të mëngjesit në qytetin e Salisbury është shfaqur flamuri trengjyrësh i cili fillimisht është vërejtur nga një punëtor dhe më pas ka hapur dhe polemika.

Deputeti i Salisbury në Parlamentin e Anglisë, John Glen ka reaguar për këtë veprim duke mos kursyer as fjalorin pasi e quan një marifet prej budallai dhe se fatmirësisht flamuri është hequr nga pjesa e katedrales e cila është në rikonstruksion.

Më 4 Mars të 2018, ish- agjenti dhe ish- ushtaraku rus së bashku me vajzën e tij u helmuan nga një gaz helmues, i quajtur Novichok, i prodhuar në ish-Bashkimin Sovjetik rreth viteve 1970- 1990 dhe që pretendohet se është një nga gazet helmuese më të rënda të prodhuara ndonjëherë.

4 marsi i vitit të kaluar do të konsiderohej dhe si një krisje mes marrëdhënieve diplomatike të Anglisë dhe Rusisë, pasi kryeministrja britanike dëboi 23 diplomatë rusë të ambasadës në Angli ndërkohë Kremlini akuzoi Qeverinë britanike për vrasje të paramenduar.

Ngjarja prej një viti ka mbetur ende pa autor.

MUND TË KOMENTOSH

avatar
  Subscribe  
Më njofto