Templates by BIGtheme NET

Shqipëria e Kosova, “sherr” për talentin e Salcburgut

Shqipëria dhe Kosova, që tashmë janë dy kombëtare më vete, janë përplasur jo pak për të bindur lojtarë të ndryshëm me prejardhje shqiptare që të veshin fanelën përkatëse.

Një rast i tillë po ndodh edhe me mbrojtësin e talentuar të Salcburgut në Austri, Albert Vallçi.

23-vjeçari luan për një nga ekipet më të mira të viteve të fundit në kampionatin austriak dhe e ka pohuar interesimin e Shqipërisë dhe Kosovës ndaj tij në një intervistë për mediat atje.

“Kohët e fundit kam marrë kërkesa nga Kosova dhe Shqipëria. Më kanë ftuar për të qenë pjesë e kombëtares. Megjithatë unë sapo kam ardhur te Salcburgu dhe për momentin dua të përqendrohem te ekipi im.” – ka thënë Vallçi.

Kosova i luan ndaj Bullgarisë dhe Danimarkës 2 ndeshjet e para kualifikuese për Euro 2020, kurse Shqipëria i luan ndaj Turqisë dhe Andorrës 2 ndeshjet e saj.

MUND TË KOMENTOSH

avatar
  Subscribe  
Më njofto