“Liria e shtypit në Shqipëri është në kthetrat e diktatorit.” – ka shkruar ish-deputetja e Partisë Demokratike, Albana Vokshi pas publikimit të raportit mbi lirinë e shtypit.
Sipas Vokshit nën qeverisjen e Ramës, nga vendi janë larguar, sulmuar, kërcënuar me jetë e përndjekur me dhjetëra gazetarë.
Vokshi shkruan gjithashtu se sot Rama hesht për lirinë e shtypit sepse i ka ditët e numëruara.
“3 Maj- Liria e Shtypit në Shqipëri në kthetrat e diktatorit!
Asnjë mesazh sot nga diktatori i lirisë së shtypit.
Nën qeverisjen e tij:
– dhjetëra gazetarë të larguar nga Shqipëria,
– dhjetëra të tjerë të sulmuar, kërcënuar me jetë e
të përndjekur.
– të tjerë gazetarë të paditur e kërcënuar edhe me burg nga Kryeministri vetëm pse denoncuan lidhjet e Kryeministrit Rama dhe qeverisë së tij me krimin e organizuar.
Referuar Indeksit të Lirisë së Shtypit të Reporterëve pa Kufij, mbi 80 përqind e gazetarëve në Shqipëri nuk kanë siguri për të ardhmen e tyre.
Shqipëria humbi 7 vende dhe në raport klasifikohet problematikenpër lirinë e shtypit dhe sigurinë e gazetarëve.
Si në vendet autoritare, Kryeministri Rama, kërcënon dhe nxit dhunë ndaj gazetarëve, duke i fyer, përndjekur dhe kërcënuar me padi gjyqësore.
Sot, diktatori i medias hesht për lirinë e shtypit, sepse i ka ditët e numëruara.
Liria e shtypit, është zemra e Demokracisë.
Gazetarët në Shqipëri të mos dekurajohen, fati i diktatorëve është i njohur…!” – shkruan Vokshi në Facebook.
