Policia ka arrestuar drejtuesin e makinës që përplasi për vdekje një këmbësore mbrëmjen e kaluar në aksin rrugor Fier-Ballsh.
Aksidenti ndodhi në vendin e quajtur “Qafa e Lalarit”, ku 46 vjeçari me inicialet J.F, duke drejtuar automjetin tip “Ford”, ka përplasur këmbësoren 49 vjeçare me inicialet S.B, , banuese në Lalar.
Gruaja u dërgua në spitalin rajonal të Fierit, ku më pas fatkeqësisht ka ndërruar jetë.
“Specialistët e Sektorit të Qarkullimit Rrugor në Drejtorinë Vendore të Policisë Fier, arrestuan në flagrancë shtetasin:
J.F, 46 vjeç, banues në Patos.
Arrestimi i këtij shtetasi u bë pasi në aksin rrugor Fier-Ballsh, në vendin e quajtur “Qafa e Lalarit”, duke drejtuar automjetin tip “Ford”, ka aksidentuar shtetasen këmbësore S.B, 49 vjeçe, banuese në Lalar, e cila ka ndërruar jetë në Spitalin Rajonal Fier.
Materialet i kaluan Prokurorisë pranë Gjykatës së Shkallës së Parë Fier për veprën penale “Shkelje e rregullave të qarkullimit rrugor”.”, thuhet në njoftimin e policisë.
