Atletico Madrid prezanton blerjen më të shtrenjtë të historisë së klubit. Joao Felix i kushtoi Atletico Madrid plot 126 milionë euro.
Ishte një ditë e mbushur me ëndërra për tifozët e Atletico: klubi zyrtarizoi blerjen e Felipe, 20 milionë, nga Porto; pasdite ishte radha e Hector Herrera, që erdhi me parametër zero pas gjashtë sezonesh tek Porto; e në fund, në mbrëmje ishte goditja më sensacionale.
Joao Felix, fantazisti portugez 19 vjecar që shkëlqeu me Benfica, është paguar 126 milionë, kosto e klauzolës zgjidhëse të kontratës. Një bast guximtar, por talenti, si shkruhet në hashtag, nuk i mungon. Përkundrazi.
