Partizani luan një ndeshje të rëndësishme mbrëmjen e sotme kur të përballet me Karabakun në ndeshjen e kthimit, të vlefshme për turin e parë të Ligës së Kampionëve.
Ekipi azer arriti të marrë një barazim në ndeshjen e luajtur në Tiranë para një jave dhe në sfidën e sotme në fushën e tij luan si favorit.
Megjithatë të kuqtë e drejtuar nga italiani Lerda nuk shkojnë atje për të dhuruar gjë por do bëjnë çmos që të marrin kualifikimin.
Kualifikimi do çonte në arkat e klubit jo pak por 380 mijë euro. Trajneri është shprehur i vetëdijshëm Për vështirësinë e sfidës por ka thënë se nuk do dhurojë gjë.
Për sa i përket formacionit, pritet që Lerda të rreshtojë të njëjtët lojtarë të sfidës së vajtjes. Ndeshja luhet në ‘Dalga Arena’ dhe fillon në orën 19:00.
