Bashkia Tiranë ka shpallur fituese të tenderit për ‘Përmirësimin e matjeve të enteve private që përdorin ujin si lëndë të parë’, kompaninë ‘Integrated Technology Services’ të Klodian Zotos.
Sipas Departamentit të Antikorrupsionit në Partinë Demokratike, Klodian Zoto, i cili do marrë 178 milionë euro me inceneretatorët, ka marrë së fundmi edhe 100 milionë lekë nga Bashkia Tiranë.
‘Mbas aferës korruptive të inceneratorëve, ku Klodian Zoto (më saktë kush fshihet pas tij) do të marrë 178 mln euro, 60 mln nga te cilat i janë dhënë deri më sot pa asnjë punë të kryer, e ku kompania që ai ka në zotërim po merr pagesa nga Bashkia e Tiranës, duke tarifuar dyfish për mbetjet e krijuara nga çdo kompani private apo nga shtetit, Erion Veliaj ka vendosur t’i japë të njëjtit biznesmen një tender prej 100 mln lekësh.
Qokat partiake të kryebashkiakut që u zgjodh në votimet monopartiake të 30 qershorit nuk duhet të jenë barrë për xhepat e qytetarëve të Tiranës. Buxheti i Tiranës duket se është arka nga ku Zoto dhe ata që qendrojnë pas tij fusin dorën sa herë kanë nevojë për parà.
Tenderi i 3 korrikut 2019, që iu dhurua kompanisë së Zotos është provë se përse kjo mazhorancë luftoi për zgjedhje moniste dhe jo zgjedhje demokratike.’ – shkruhet në denoncimin e Departamentit të Antikorrupsionit në PD.
