Një i mitur ka ndërruar jetë si pasojë e një aksidenti të ndodhur pasditen e sotme në Tropojë.
Aksidenti ka ndodhur në rrugën Bajram Curri-Sopot në vendin e quajtur Cerrnicë.
Në aksident janë përfshirë një mjet ‘Benz’ dhe një tjetër tip ‘Toyota’, ndërsa ka humbur jetën rrugës për në spital 9-vjeëari me iniciale E.Ç., banues në Tropojë.
Njoftimi i policisë
Tropojë/ informacion paraprak.
Më datë 21.07.2019, në aksin rrugor Bajram- Curri – Sopot, në vendin e quajtur Cerrnicë, janë përplasur mjeti tip “Benz”, me drejtues shtetasin B.Ç., banues në Tropojë, me mjetin tip “Toyota”, me drejtues shtetasin Z.M.
Si pasojë janë dëmtuar drejtuesit e mjeteve, B.Ç, Z.M., pasagjerët shtetasit A.Ç, A.Ç, H.L., si dhe ka gjetur vdekjen rrugës për në spital i mituri E.Ç, 9 vjeç, banues në Tropojë.
Grupi hetimor ndodhet në vendin e ngjarjes, ku po punon për përcaktimin e shkaqeve të aksidentit.
