Një aksident i trefishtë ka ndodhur mëngjesin e sotëm në Balldre të Lezhës. Mësohet se tre automjete janë përplasur me njëri-tjetrin në orët e para të mëngjesit duke lënë disa persona të plagosur.
Sipas gazetës “Panorama”, numri i të plagosurve është 4, por identiteti i tyre nuk dihet ende.
Ata janë dërguar në spital në gjendje të rëndë shëndetësore.
Ende nuk dihen shkaqet e aksidentit, ndërsa policia ka nisur punën për të zbardhur rrethanat e ngjarjes.
