Ka humbur jetën nga një aksident rrugor, kantautori LaShaën Daniels i cili ka shkruar tekste të tilla si “Say My Name” të Destiny’s Child, ku ka fituar Çmim Grammy dhe këngën e Lady Gagas, “Telephone”.
Lajmi është konfirmuar nga gruaja e tij April, e cila tha se kantautori i njohur me emrin e artit Big Shiz, kishte përsuar një aksident me makinë në Karolinën e Jugut.
“Me trishtim të thellë ju njoftojmë ndarjen nga jeta të burrit tim të dashur, babait, anëtarit të familjes dhe mikut Lashaën Daniels, i cili ishte viktimë e një aksidenti automobilistik në Karolinën e Jugut.”, shkroi April Daniels, citon “BBC“.
Big Shiz ishte 41-vjeç. Ai ka punuar dhe me artistë të mëdhenj si Whitney Houston, Michael Jackson, Brandy dhe Toni Braxton.
Ai fitoi Çmimin Grammy për këngën më të mirë R&B në vitin 2000, “Say My Name” dhe u nominua edhe 7 herë të tjera.
