Templates by BIGtheme NET

Prindër dhe nxënës protestojnë në Peqin, kërkojnë rindërtimin e shkollës të prishur nga tërmeti

Nxënës e prindër kanë protestuar për rikonstruksionin e shkollës së tyre e cila prej dy vitesh nuk hap dyert për nxënësit. Shkolla e fshatit Shezë në Peqin u dëmtua nga një tërmet në vitin 2014, dy vite më vonë specialistët vlerësuan se godina është e rrezikshme.

Prej atëherë, fëmijët bëjnë mësim me turne në shkollën e fshatit Pekisht.

Rikonstruksioni i kësaj shkolle nuk ka filluar kjo ka indinjuar prindër e nxënës të cilët deklarojnë se do të vazhdojnë protestën e tyre.

Për rreth 30 minuta nxënësit bllokuan aksin rrugor Belsh-Peqin. Ndërsa deklarojnë se do ta vijojnë rezistencën e tyre dhe do të përshkallëzojë protestat, raporton Top Channel.

Në shkollën 9-vjeçare në Shezë të Peqinit ndjekin mësim edhe fëmijë nga fshatrat ngjitur, si Karthnek, Trash, Gryksh, të cilët tashmë u duhet të përshkojnë më shumë kilometra për të marrë mësim në turnin e dytë.

Komento

Adresa e email nuk do te publikohet. Fushat jane te domosdoshme *

*