Templates by BIGtheme NET

Qytetarë anembanë botës protestojnë për ndryshimet klimatike

Dhjetëra mijëra protestues u mblodhën të premten në Australi, si pjesë e një fushate protestuese botërore, duke bërë thirrje për veprime kundër ndryshimeve klimatike.

Disa nga tubimet e para nisën në qytetin më të madh të Australisë, Sidnej dhe kryeqytetin Kanberra.

Demonstruesit australianë u bënë thirrje autoriteteve të vendit – i cili është eksportuesi më i madh në botë i qymyrit dhe gazit të lëngshëm natyror – të ndërmarrin veprime më të ashpra për të zvogëluar emetimet e gazrave serë, raporton REL.

Tubime të ngjashme u planifikuan të mbahen në disa qytete në mbarë botën. Në Shtetet e Bashkuara janë planifikuar më shumë se 800 organizime, ndërsa në Gjermani pritet të mbahen më shumë se 400 tubime.

Tubimet protestuese po mbahen edhe për t’i bërë presion udhëheqësve botëror që do të marrin pjesë në një samit të Kombeve të Bashkuara për ndryshimet klimatike më 23 shtator.

 

Komento

Adresa e email nuk do te publikohet. Fushat jane te domosdoshme *

*