Templates by BIGtheme NET

“Trump s’më ka bërë “shantazh” – Zelensky hedh poshtë narrativën e demokratëve

Presidenti i Ukrainës, Zelensky, ka këmbëngulur se nuk kishte asgjë të papërshtatshme në lidhje me një bisedë telefonike që ai pati me presidentin amerikan, Donald Trump, duke hedhur poshtë akuzat e demokratëve se lideri amerikan ishte përpjekur të zhvaste favore politike nga ai.

Volodymyr Zelensky tha të enjten se nuk kishte “asnjë shantazh” të përfshirë në thirrjen që ai pati me Trump.

Ligjvënësit demokratë e kanë akuzuar presidentin amerikan për bllokimin e ndihmës ushtarake për Ukrainën, si pjesë e një komploti për të detyruar Kievin që të fillojë hetimet në marrëdhëniet e biznesit të djalit të një rivali politik, kandidati demokrat për president, Joe Biden.

Zelensky e kundërshtoi këtë narrativë, duke u thënë gazetarëve se ai mësoi vetëm pas telefonatës së tyre të 25 korrikut se SHBA kishin ngrirë qindra miliona dollarë në ndihmë ushtarake për vendin e tij. Ai tha se të dy udhëheqësit nuk flisnin për ndihmën ushtarake dhe se nuk ishte një “temë” e bisedës së tyre.

Transkripti i thirrjes telefonike u publikua për publikun, pasi një informator anonim pretendonte se Trump kishte kërkuar ndihmën e Ukrainës për përfitime politike në SHBA.

Incidenti ka dëmtuar disi marrëdhëniet bilaterale SHBA-Ukrainë, pranoi Zelensky. Ai u tha gazetarëve se nuk ishte i kënaqur me publikimin e transkriptimeve të plota të bisedave të tij me liderët botërorë, përfshirë presidentin Trump.

“Kievi dëshiron marrëdhënie të mira me Uashingtonin, por nuk merr urdhra nga jashtë”, shtoi Zelensky.

Presidenti amerikan tha se ndihma ushtarake ishte bllokuar sepse Kievi nuk ka bërë sa duhet për të luftuar korrupsionin, por kjo gjë ka nxitur demokratët të fillojnë një hetim për të fajësuar Trump.

VINI RE: Ky material është pronësi intelektuale e RT

Komento

Adresa e email nuk do te publikohet. Fushat jane te domosdoshme *

*