Franca do të ndalojë të gjitha shitjet e armëve ndaj Turqisë, që mund të përdoren në sulmet e Ankarasë ndaj milicive kurde në Siri, thanë Ministria e Jashtme dhe ajo e Mbrojtjes. Berlini kishte lëshuar një deklaratë të ngjashme pak para Parisit.
“Në pritje të përfundimit të kësaj ofensive, Franca ka vendosur të pezullojë të gjitha planet për eksportimin e armëve që mund të përdoren nga Turqia në këtë ofensivë,” thuhet në deklaratën e përbashkët të së shtunës nga ministritë.
“Ky vendim është me efekt të menjëhershëm.”
Pezullimi i shitjeve të armëve vjen ndërsa ministrat e BE-së përgatiten të takohen në Luksemburg javën e ardhshme për të planifikuar një përgjigje ndaj ofensivës “Operacioni i Pranverës së Paqës” të Turqisë, dhe pasi Ministri i Jashtëm gjerman, Heiko Mass, njoftoi një ndalesë të ngjashme për eksportet e armëve më herët të shtunën.
Holanda dhe Norvegjia gjithashtu kanë ngrirë shitjet e armëve të tyre ndaj Turqisë.