Banorët e Unazës së Re kanë dalë sot në protestën që zgjat prej shumë muajsh.
Ata kundërshtojnë prishjen e banesave të tyre nga zgjerimi i unazës, një projekt që përfshinte segmentin nga Sheshi Shqiponja deri te Pallati me Shigjeta.
Dhjetëra burra, gra e fëmijë kanë dalë në vendin ku protestojnë prej rreth një viti tashmë. Aktualisht projekti është pezulluar pas skandalit të tenderit në njërin nga lotet e projektit.
Ata akuzojnë kryeministrin Rama për projektin për të cilin thonë se është aferë korruptive dhe ministrin e Brendshëm, Lleshaj për dhunën e policisë ndaj tyre.
Disa prej banorëve janë ende në burg, ndërsa pjesa dërrmuese e tyre u liruan në seancën e fundit gjyqësore.
