Templates by BIGtheme NET

Express i Kosovës: Intervista e Albin Kurtit te Çim Peka mesash ndaj Ramës

Intervistën e parë Albin Kurtit pas shpalljes fitues në zgjedhjet e parakohshme e ka dhënë për Syri Tv të Çim Pekës dhe Gazeta Express shkruan “Kurti Flakaresh Ramës, jep intervistë te Çim Peka”.

Shkrimin Express e vijon duke dhënë detaje nga intervista e Kurtit për Syri.tv

Çim Peka, gazetari i padëshiruar nga kryeministri i Shqipërisë, Edi Rama, sonte e interviston liderin e Lëvizjes Vetëvendosje, Albin Kurti, i cili, sipas rezultateve preliminare, është fitues i zgjedhjeve në Kosovë. Intervista shfaqet edhe në Televizionin 7 prej orës 21:00.

Kryeministri Rama jo rrallë herë ka ofenduar gazetarët, e një nga ta është edhe Cim Peka i Syri TV dhe portalit syri.net.

Kurti do të japë sonte intervistë për rivalin e Ramës prej orës 21:00.

Kurti, sipas njoftimit të syri.net, flet për një ofertë konkrete për Vuçiçin dhe pret përgjigje prej tij

Kurti ka një mesazh për të gjithë ata që janë trembur nga fitorja e tij.

Enver Hoxha, Sali Berisha, Edi Rama, Ibrahim Rugova dhe Hashim Thaçi do të jenë në gjykimin e Albin Kurtit.

Ai së fundi,  flet edhe për të vërtetën e aksidentit të tij mbrëmë në Tiranë, si ndodhi dhe kush po i jepte makinës.

Kandidati për kryeministër të Kosovës mbrëmë ka qëndruar në Tiranë për të festuar fitoren e zgjedhjeve, ndërsa ai nuk ka pasur në agjendën e tij asnjë takim zyrtar.

Nuk e ka takuar as atë që Kurti pret ta ketë homolog, ndërsa vetëm pak ditë më parë Rama i propozoi publikisht Kurtit për një marrëveshje.

Kryeministri i Shqipërisë tha se Qeveria e ardhshme e Kosovës duhet ta krijojë një ministri për Shqipërinë dhe është zotuar se do të krijojë edhe Qeveria e tij Ministri për Kosovën.

Kurti që vitin e fundit ka pasur raporte të ftohura me Ramën, ka thënë se kryeministrin e Shqipërisë do ta takojë ditëve në vijim, por dje nuk shkoi për ndonjë vizitë te ai për shkak të angazhimeve të tjera.

Komento

Adresa e email nuk do te publikohet. Fushat jane te domosdoshme *

*