Kuvendi ka zgjedhur Elsa Toskën dhe Fiona Papajorgjin si anëtaret e reja të Gjykatës Kushtetuese. Pas një seance dhe diskutimesh të gjata, deputetët socialistë zhvilluan një mbledhje urgjente në Kuvend.
Në përfundim të saj, kreu i Kuvendit, Ruçi, deklaroi se procedurat për zgjedhjene dy anëtareve të Gjykatës Kushtetuese ishin konform ligjit duke vijuar me votimin.
Elsa Toska u votua e para si anëtare e Kushtetueses duke marrë 105 pro dhe 2 kundër. Pas saj u zgjodh edhe Fiona Papajorgji, për të cilën votuan pro 105 deputetë ndërsa kundër votuan 3.
