UEFA ka konfirmuar zyrtarisht se sfida mes Shqipërisë dhe Francës e caktuar për datën 17 nëntor do luhet në stadiumin e ri “Arena Kombëtare”.
Në faqen zyrtare, UEFA ka shënuar emrin e “Arenës Kombëtare”, si stadiumin që do të presë takimin, duke zyrtarizuar kështu agjendën, me ndeshjen që do nisë në orën 20:45.
Është dashur zhvillimi i sfidës testuese ditën e djeshme mes Apollonisë dhe Vllaznisë që UEFA të jepte konfirmimin për stadiumin e ri i cili u ndërtua në vend të “Qemal Stafës” së vjetër.