Teuta ka arritur të marrë një fitore të rëndësishme në minutën e fundit të takimit ndaj Skënderbeut. Kjo fitore e ka ngjitur ekipin durrsak në vendin e pestë të renditjes me 3 pikë largësi nga kreu.
Ekipi i drejtuar nga një korçar dhe ish-lojtar i Skënderbeut, Shkëmbi, po bën një kampionat të mirë duke qenë në garë për pjesëmarrjen në Kupat e Europës.
Teuta e ka forcën në shtëpi ku nuk ka asnjë humbje deri tani ndërsa jashtë saj nuk e njeh fitoren.
Skënderbeu nga ana tjetër ka zhgënjyer megjithatë teorikisht është në garë për një nga vendet e para në renditje duke qenë se deri në fund të sezonit kampionati ka ende shumë javë.
