Kryeministri në detyrë i Kosovës, Ramush Haradinaj ka reaguar lidhur me lajmin për ngritjen e padisë ndaj tij nga ana e homologut Edi Rama në Gjykatën e Prishtinës.
Haradinaj nëpërmjet rrjeteve sociale ka deklaruar padia është e pabazuar dhe sipas ligjit do përgatisë përgjigjet në afatet e përcaktuara ligjore.
Më tej, Haradinaj deklaron se padia e Ramës është një diversion politik për qëllime mediaktike dhe për të ikur nga përgjegjësitë.
“Sot është raportuar në media se Kryeministri i Shqipërisë Edi Rama ka deponuar padi kundër meje në Gjykatë.
Unë, sipas ligjit, do të përgatis përgjigje në padi, në afatet e përcaktuara ligjore!
Padia e Kryeministrit Rama është plotësisht e pabazuar dhe një diverzion politik që bëhet nga ana e tij, që të fshihet pas dramave mediale dhe t’i ikë përgjegjësisë.
Kombi ynë dhe Kosova ka njerëz që i dalin zot në çdo kohë”-shkruan Haradinaj.
