Templates by BIGtheme NET

Gjermania BILD godet Lulzim Bashën

Muaj më parë, Partia Demokratike, i përdori përgjimet e gazetës gjermane BILD në të ashtuquajturën Dosja 184, si fakte të forta të shitblerjes së votave në zgjedhjet lokale në Dibër në vitin 2016.

PD-ja dhe opozita theksoi asokohe seriozitetin e gazetës gjermane, por sot e ka gjetur veten në kurth pasi tashmë gazeta gjermane po godet direkt Lulzim Bashën.

PD dhe opozita nuk e vë dot në diskutim besueshmërinë e kësaj gazete, sepse pak kohë më parë ka udhëhequr protesta duke përdorur përgjimet e BILD-it. Tashmë kjo gjë i është kthyer PD-së dhe opozitës në një thikë me dy presa.

Vetëm diçka është e qartë. Që ekipi i PR-it të Ramës ka kaluar në avantazh, sepse armën e dikurshme të PD-së, gjermanen BILD, e ka kthyer në certifikuese të skandalit të lobimit të Bashës.

Lobisti kanadeaz, Nick Muzin

Më poshtë artikulli i plotë

Me gjithë pengesat, Kryeministri i Shqipërisë Edi Rama ende shpreson të mundë të udhëheqë vendin e tij drejt BE-së. Në vendin e tij, megjithatë, ai gjithashtu përballet me rezistencë.

Opozita shqiptare, e udhëhequr nga Partia Demokratike e Shqipërisë (PD), po përpiqet me të gjitha forcat të rrëzojë kryeministrin socialist. Përdoren jo vetëm mjete demokratike: Fushatat e dyshimta në internet, dokumente sekrete të nxjerra dhe regjistrimet komprometuese janë shpërndarë qëllimisht. Pas kësaj fshihet me sa duket një nga lobistët më me ndikim në botë.

Sipas dokumenteve të Departamentit të Drejtësisë të SHBA-së, strategu politik kanadez Nick Muzin mbështet opozitën në Shqipëri.

Rrjeti i Nick Muzin

Rrjetet e Muzin shtrihen përtej të gjithë kufijve dhe në një larmi sistemesh politike. Lista e klientëve të lidhur me të është ‘mbresëlënëse’.

Ai mbështeti republikanët George W. Bush, Ted Cruz, John McCain dhe madje edhe Donald Trump në fushatën zgjedhore në SHBA. Në 2017 ai u punësua nga vendi i Gjirit Persik, Katari. Në emër të Emirit, ai do të përmirësonte marrëdhëniet e vendit arab me delegacionin e Trump-it dhe me komunitetin hebre në Shtetet e Bashkuara. Misioni dështoi.

Për shkak se Muzin nuk u regjistrua në agjencinë e Departamentit të Drejtësisë të Shteteve të Bashkuara FARA si këshilltar i një shteti të huaj. Atij iu desh të hiqte dorë nga Katari.

Ndërkohë, klienti tjetër: Opozita shqiptare, e cila dëshiron të parandalojë me çdo kusht pranimin e Shqipërisë në BE me kryeministrin aktual – dhe kostoja e përdorimit të Muzin padyshim që kushton shumë.

675,000 euro për t’u përdorur në fushatën anti-BE

Sipas dokumenteve nga agjensia amerikane FARA, Muzin duhej të merrte 675,000 euro për misionin e tij tremujor. Informacioni vjen nga vetë ai.

Shuma e tarifës dhe origjina e parave tani e vënë klientin në vështirësi. Lulzim Basha, drejtuesi i Partisë Demokratike, kishte nënshkruar kontratën me Muzin. Palët kishin rënë dakord për një honorar prej 25,000 dollarësh tre herë. Sidoqoftë, shumë më tepër u paguan.

Për këtë arsye, hetimet ndaj liderit të opozitës Basha filluan në Shqipëri në qershor. Ai vetë mohon se ka shpërdoruar para ose se nuk i ka taksuar ato, flet për një fushatë të ndyrë dhe akuzon akuzuesit se janë të korruptuar.

Po nga kanë ardhur paratë për Muzin?

Çfarë shkuhet në dosje:

Muzin vetë konfirmoi pagesën e fondeve për autoritetin amerikan FARA. Në një raport të mëvonshëm të FARA-s, kompania që u shfaq si klient ishte një kompani që ndan kutinë e saj postare në Rrugën St. Vincent në Edinburgh, Skoci me 1200 ndërmarrje të tjera: Biniatt Trade LP. Gjurmët e Biniatt Trade çojnë kudo nëpër botë: nga Skocia, përmes Belizes dhe prej andej në Rusi.

Përkundër këtij zgjerimi global, kompania ka më pak para se çdo biznes i ri: Sipas regjistrit britanik të biznesit, Biniatt Trade ka një kapital aksionesh prej 100 stërlinash.

Ajo që revista amerikane Mother Jones’ zbuloi në mes të vitit, e vë PD-në shqiptare dhe drejtuesin e saj të opozitës, Lulzim Basha, në një nevojë për të dhënë shpjegime. Sepse prapa Biniatt Trade është një rrjet ndërmarrjesh të mbivendosura. në fund të të cilit ka disa biznesmenë me ndikim nga Rusia.

Njëri prej tyre është Evgeny Sheremetyev. Ai zotëron aksione në disa kompani ruse. Të paktën njëra prej tyre merr urdhra nga qeveria ruse. Për kryeministrin shqiptar Edi Rama, kjo është një provë e qartë se Rusia qëndron  prapa përpjekjeve të lobistit të  nivelit të lartë Nick Muzin.

Në fakt, Rusia nuk ka interes për afrimin e Shqipërisë me BE-në. Pranimi në BE do të dobësonte më tej ndikimin e rusëve në Ballkan. Në një deklaratë zyrtare, Partia Demokratike Shqiptare tha: ‘Partia Demokratike nuk ka pasur lidhje direkte ose indirekte me individë ose kompani ruse’.

Një deklaratë që, duke pasur parasysh lidhjet e dokumentuara midis PD-së, lobistit të nivelit të lartë Muzin dhe biznesmenëve rus, nuk është shumë qartësuese.

Sidoqoftë, makinacionet e dyshimta ishin të suksesshme: BE-ja e paralajmëroi opozitën që herët se bojkoti parlamentar i saj dhe destabilizimi i brendshëm që mund të vinte, mund të rrezikojnë seriozisht rrugën e Shqipërisë drejt BE-së.

VINI RE: Ky material është pronësi intelektuale e Bild.de

Komento

Adresa e email nuk do te publikohet. Fushat jane te domosdoshme *

*