Templates by BIGtheme NET

Grenell takohet me Vuçiç në Gjermani, pritet edhe takimi me Thaçin, në fokus marrëdhëniet me Kosovën

Presidenti serb, Aleksandar Vuçiç, është takuar me të dërguarin e posaçëm të Shteteve të Bashkuara të Amerikës për dialogun Kosovë-Serbi, Richard Grenell, në pasditen e së enjtes.

Takimi Vuçiç-Grenell ka ndodhur në Bavari, ku dy zyrtarët kanë shkuar për të marrë pjesë në Konferencën e Munihut për Siguri.

Para takimit, presidenti i Serbisë u ka thënë gazetarëve se priste një bisedë të mirë me diplomatin e lartë amerikan, bëjnë të ditur mediat beogradase.

Sipas tyre, Vuçiç po ashtu ka thënë se priste që diskutimi të zhvillohej kryesisht për Kosovën, përkatësisht për vazhdimin e dialogut mes palës kosovare dhe asaj serbe.

Komento

Adresa e email nuk do te publikohet. Fushat jane te domosdoshme *

*