Vendosni fjalën kyçe....

Kompania “Bankers” u përgjigjet akuzave: “Tosk Energy” s’respektoi e theu kushtet e kontratës


Kompania Bankers Petroleum i është përgjigjur deklaratave të administratorit të kompanisë Tosk Energy, i cili në një letër drejtuar naftëtarëve të Ballshit, theksonte se kompania Bankers nuk kishte përmbushur detyrimet për furnizimin me 50 mijë tonë naftë në muaj, duke furnizuar vetëm 20 mijë tonë në muaj.

Në një deklaratë zyrtare, kompania Bankers thotë se i hedh poshtë pretendimet e Tosk Energy, ndërsa shton se ka ngritur padi për shpifje në të kaluarën ndaj përfaqësuesve të kompanive Tosk & Bylis Energy.

Bankers thekson gjithashtu se kompania Tosk Energy nuk ka përmbushur kushtet e kontratës së shitjes së papërpunuar në vitin 2019 duke i thyer ato shumë herë.

Në deklaratë thuhet se kompania Tosk Energy nuk ka paguar e tërhequr sasitë e naftës dhe kishte ndërprerë komunikimin, ndërsa siguron se i ka respektuar kontratat.

Deklarata e kompanisë Bankers

Bankers Petroleum Albania është informuar nga media se pas protestave dhe grevës së urisë nga punonjësit e rafinerisë Ballsh, përfaqësuesi ligjor i Tosk Energy ka lëshuar një deklaratë publike duke akuzuar përsëri Bankers për situatën e krijuar.

Bankers mirëkupton shqetësimet e punonjësve, megjithatë ne i hedhim poshtë pretendimet e përfaqësuesit ligjor të Tosk Energy i cili vazhdon të fajësojë Bankers për “dështimet” e tyre.

Bankers Petroleum Albania tashmë ka ngritur padi në Gjykatën e Tiranës për shpifje bazuar në deklaratat e rreme të bëra nga përfaqësuesit e Tosk Energy & Bylis Energy në të kaluarën.

Ne i qëndrojmë fort deklaratave tona të mëparshme të cilat bazohen në fakte të vërteta dhe kjo është arsyeja pse ne kemi qenë gjithmonë bashkëpunues me çdo hetim në lidhje me veprimtarinë tonë, përfshirë edhe atë nga Autoriteti Shqiptar i Konkurrencës.

Sidoqoftë, ne do të dëshironim të përsërisim përsëri:

Tosk Energy nuk arriti të përmbushë termat dhe kushtet e kontratës së shitjes së papërpunuar 2019, duke thyer klauzolat e kontratës shumë herë;

Bankers dhe Tosk Energji ranë dakord për Programin e Dorëzimit të Naftës Bruto në bazë ditore për Shtator 2019 dhe vëllimet e dorëzimit të naftës së papërpunuar për tetor-dhjetor 2019, duke ekzekutuar nga të dy palët e Amendimin nr. 4, datë 27 gusht 2019;

Në ditët e fundit të muajit gusht, Bankers kërkoi nga Tosk Energy që të siguronte letrën e kreditit, por Tosk Energy konfirmoi zyrtarisht që për dorëzimet e naftës së papërpunuar gjatë muajit shtator, derisa të hapnin një letër krediti (siç ka bërë në të kaluarën), do të tërhiqte të gjitha vëllimet e të planifikuara duke bërë parapagime të parave dhe pa shkaktuar ndonjë ndikim për Bankers;

Për periudhën 1-10 Shtator, Bankers iu drejtua sërish disa herë Tosk Energji, por ajo nuk pagoi, pavarësisht se Bankers ishte në dispozicion dhe i ofroi të shesë sasitë e rënë dakord;

Tosk Energy jo vetëm që nuk pagoi/nuk tërhoqi sasitë dhe nuk iu përgjigj Bankers, por shkoi edhe më tej, duke ndërprerë komunikimin; Bankers ka treguar gjithmonë ndër vite se ka respektuar kontratat dhe angazhimet e saj dhe kjo është arsyeja pse është një nga kompanitë më të suksesshme në vend.


Leave a Reply

Your email address will not be published. Required fields are marked *