Policia ka arrestuar një të ri një qytetin e Durrësit, pasi akuzohet për armëmbajtje pa leje dhe mbajtje pa të drejtë të uniformës. Kjo e fundit sepse ai kishte 2 kapele policie.
Në banesën e 26 vjeçarit me iniciale G. M., policia gjeti armë zjarri, municione dhe kapele me mbishkrimin “Policia”.
“Arrestohet në flagrancë një 26-vjeçar.
Sekuestrohen në cilësinë e provës materiale një armë zjarri, municion luftarak dhe kapele me mbishkrimin policia.
Specialistët për Hetimin e Krimeve në Komisariatin e Policisë Durrës, në vijim të punës për kapjen e personave në kërkim dhe atyre që qarkullojnë me armë zjarri me vete, në bazë të informacioneve të siguruara në rrugë operative, arrestuan në flagrancë shtetasin:
- M., 26 vjeç, banues në Durrës.”- thuhet në njoftimin e policisë.
Pas kontrollit të ushtruar nga shërbimet e Policisë në banesën e tij, iu gjetën dhe sekuestruan në cilësinë e provës materiale një armë zjarri tip “TT”, disa fishekë, si dhe 2 kapele me mbishkrimin policia.
Materialet i kaluan Prokurorisë së Rrethit Gjyqësor Durrës, për veprat penale “Armëmbajtja pa leje”, për të cilën parashikohet dënimi me burgim deri në 7 vjet, “Mbajtja pa të drejtë e uniformës” dhe “Prodhimi i mjeteve për falsifikim të dokumenteve”.
