Templates by BIGtheme NET

Del pozitiv për koronavirusin dhe tenori Placido Domingo

Tenori i njohur Placido Domingo është konfirmuar me koronavirus. “Unë mendoj se është një detyrë morale të njoftoj se kam rezultuar pozitiv për Covid-19.”- shkruan tenori në profilin e tij në Facebook.

“Familja ime dhe unë do të mbetemi në izolim për aq kohë sa të jetë e nevojshme. Ne jemi të gjithë aktualisht në gjendje të mirë shëndetësore, por unë kam pasur ethe dhe simptoma të kollës, kështu që vendosa të bëj testin dhe ai ishte pozitiv. Unë i kërkoj të gjithëve të jenë jashtëzakonisht të kujdesshëm, të ndjekin udhëzimet themelore duke larë shpesh duart, duke mbajtur të paktën gjashtë metra larg nga të tjerët, duke bërë gjithçka të mundshme për të parandaluar përhapjen e virusit dhe mbi të gjitha, nëse është e mundur, qëndroni në shtëpi!

Së bashku ne mund të luftojmë këtë virus dhe të ndalojmë krizën aktuale botërore, në mënyrë që të mund të kthehemi në jetën tonë normale të përditshme sa më shpejt të jetë e mundur. Ju lutemi ndiqni udhëzimet dhe rregullat e përcaktuara nga qeveritë tuaja, të qëndrojmë të sigurt dhe të mbrosh jo vetëm veten, por tërë komunitetin tonë”- shkruan  Domingo.

Tenori spanjoll 79-vjeçar dha dorëheqjen si drejtor i përgjithshëm i Operës në Los Angeles vitin e kaluar, pasi u akuzua për ngacmim seksual. Ai i ka mohuar të gjitha akuzat.

Komento

Adresa e email nuk do te publikohet. Fushat jane te domosdoshme *

*