Ministria për Europën dhe Punët e Jashtme ka bërë një deklaratë, lidhur me të gjithë shtetasit shqiptarë, të cilët kanë mbetur të bllokuar në Spanjë për shkak të bllokimit të kufijve që ka ardhur si pasojë e përhapjes së koronavirusit.
Në njoftimin e ministrisë, thuhet se janë pezulluar të gjithë procedimet administrative përgjatë gjendjes së emergjencës, për shkak të COVID-19. Kështu, të gjithë shtetasit e huaj, që nuk mund të kthehen në vendet e tyre të origjinës nuk do të preken gjatë kësaj periudhe të jashtëzakonshme dhe po ashtu për këta qytetarë nuk do të ketë sanksione për tejkalim të afateve të qëndrimit.
