Sot u zhvillua një mbledhje e posaçme e Byrosë së Kuvendit të Shqipërisë, nën drejtimin e Kryetarit të Kuvendit, Gramoz Ruçi.
Byroja vendosi që, në kuadrin e masave për të lehtësuar përballimin e situatës së pandemisë, të përgjysmohet paga e deputetëve për një periudhë tremujore.
Në këtë kuadër, Ruçi u është drejtuar me një letër drejtuesve të tridhjetë të institucioneve kushtetuese dhe institucioneve të krijuara me ligj, të marrin të njëjtën nismë, për përgjysmimin e pagës së tyre për një periudhë tremujore.
Deri tani numri i të infektuarve nga koronavirusi në vendin tonë ka shkuar në 259, ndërsa kanë humbur jetën 15 persona.
