Facebook tha të hënën se ka hequr veprimtaritë në Nebraska, New Jersey dhe Californi që nxisnin protesta kundër masave të qëndrimit në shtëpi në mes të pandemisë COVID-19 të shkaktuar nga koronavirusi i ri.
Por kompania e mediave sociale, e cila ka qenë nën presion ndaj përmbajtjes së dëmshme të politikave dhe dezinformatave të lidhura me pandeminë, tha se do të hiqte protestat anti-karantinë nëse ato kundërshtonin udhëzimet e qeverisë, shkruan Reuters.
Urdhrat e qëndrimit në shtëpi, të cilat ekspertët thonë se janë thelbësorë për të ngadalësuar përhapjen e virusit, por që kanë dëmtuar ekonominë e SHBA-së, janë miratuar në nivel shtetesh me secilin shtet që ka marrë vendimet e tij.
Facebook tha se do përafrohej me ato udhëzime dhe gjithashtu do të heqë ngjarjet që kundërshtojnë udhëzimet e distancës sociale.
“Në qoftë se qeveria nuk e ndalon ngjarjen gjatë kësaj kohe, ne lejojmë që ajo të organizohet në Facebook. Për të njëjtën arsye, ngjarjet që kundërshtojnë udhëzimet e qeverisë për distancimin shoqëror nuk lejohen në Facebook.” – tha zëdhënësi i Facebook, Andy Stone.
