Kryeministri rus Mikhail Mishustin është diagnostikuar me Covid-19. Lajmi u njoftua të enjten në mbrëmje, drejtpërdrejt në televizionin kombëtar, gjatë një lidhjeje video me Presidentin Vladimir Putin.
Zëvendëskryeministri i parë Andrey Belousov do të jetë si kryetar i përkohshëm i qeverisë gjatë trajtimit të Mishustin.
“Sapo u bë e ditur se testet që kam kryer për koronavirusin kanë dhënë një rezultat pozitiv,” i tha Mishustin presidentit “Në këtë drejtim, dhe në përputhje me kërkesat e Rospotrebnadzor [zyrtari kombëtar i shëndetit], unë duhet të izolohem dhe në përputhje me udhëzimet e mjekëve: Unë duhet ta bëj këtë për të mbrojtur kolegët e mi “.
Çfarë po ndodh me ju tani mund t’i ndodhë kujtdo,” u përgjigj Putin. Presidenti e siguroi Mishustin që asnjë vendim i madh nuk do të merrej pa kontributin e tij, ndërsa ai lufton kundër infeksionit. Putin gjithashtu vuri në dukje se anëtarët e qeverisë janë në rrezik të veçantë gjatë krizës Covid-19 pasi kontakti i drejtpërdrejtë me kolegët nuk mund të shmanget.
