Templates by BIGtheme NET

Thaçi pas vendimit të Kushtetueses: E respektoj plotësisht, partitë të bëjnë të njëjtën gjë

Presidenti Thaçi ka reaguar pas vendimit të Gjykatës Kushtetuese për bllokimin e dekretit të tij për qeverinë e re të Kosovës.

Thaçi ka shkruar në rrjetet sociale se do e respektojë plotësisht vendimin e Gjykatës Kushtetuese.

Ai u bën thirrje subjekteve politike në vend që të respektojnë Kushtetutën e vendit.

Thaçi dekretoi dje Avdullah Hotin e LDK-së për formimin e qeverisë së re të Kosovës, dekret që u hodh poshtë sot nga Gjykata Kushtetuese e vendit.

“Sapo u njoftova për vendimin e Gjykatës Kushtetuese të Republikës së Kosovës. Si President i Republikës së Kosovës do ta respektoj në plotëni këtë vendim. Kosova ka tashmë një përvojë të çmueshme në respektimin e të gjitha vendimeve dhe aktgjykimeve të Gjykatës Kushtetuese. Kjo përvojë është një dëshmi e fuqishme e sundimit të ligjit në Republikën e Kosovës.

Si President i Republikës së Kosovës i ftoj të gjithë politikanët dhe subjektet politike në vend, që të sillen me maturi në respektim të Kushtetutës së Republikës së Kosovës. HTH” – shkruan Thaçi.

Komento

Adresa e email nuk do te publikohet. Fushat jane te domosdoshme *

*