Paraditen e sotme, aktorët e Teatrit ”Migjeni” në Shkodër kanë dalë të protestojnë në mënyrë paqësore për shembjen e Teatrit Kombëtar dhe atij Eksperimental në Tiranë.
Protestuesit kanë dalë të pajisur me mjetet mbrojtëse, duke respektuar rregullat e distancës sociale prej 2 metrash e duke mbajtur pankarta në duar.
Ata kanë dalë pikërisht para Teatrit ”Migjeni”.
‘”Poshtë diktatura”, ”Shembët godinën, por jo Teatrin”, ”Teatri është i pavdekshëm”- janë disa nga parrullat.
Kujtojmë se sot pasdite në Tiranë priten protesta nga Aleanca për Mbrojtjen e Teatrit.
Opozita gjithashtu ka deklaruar se do të dalë në mbështetje të tyre.
