Templates by BIGtheme NET

Rama premton heqjen e taksës për biznesin e vogël deri në vitin 2029

Kryeministri Edi Rama premtoi se qeveria që ai drejton do ndërmarrë disa ndryshime lidhur me sistemin e taksave.

Rama tha se për biznesin e vogël deri në 140 mijë dollarë xhiro vjetore, do të hiqet tatim fitimi deri në vitin 2029.

Kryeministri tha se ky është një vendim që pritet të merret së shpejti, ndërsa po analizohet mundësia edhe për heqjen e TVSH-së.

Ne po punojmë dhe një nga gjërat që besoj unë se mund të thuhet sot, është që ne shumë shpejt do ta ligjërojmë që biznesit të vogël, çdo shqiptari që krijon punë me një biznes të vogël deri në 140 mijë dollarë xhiro do t’i heqim taksat deri në vitin 2029. Ne do të heqim tatim fitimin deri në vitin 2029 dhe heqjen e tatimi fitimit do ta bëjmë tani. Do të shkojmë për një buxhet të ri së shpejti në Parlament dhe aty në paketën fiskale do të heqim tatim fitimin. Dhe deri atë ditë do të jemi të qartë”, tha Kryeministri.

Më tej Kryeministri Rama deklaroi se po shikohet dhe analizohet mundësia edhe për heqjen e TVSH-së.

Shumë shpejt do të ndajmë nëse do të heqim edhe TVSH komplet, apo jo. Probsabilisht po, por do ta kalkulojmë deri në fund”- tha Rama

 

Komento

Adresa e email nuk do te publikohet. Fushat jane te domosdoshme *

*