Paraditen e sotme po mbahet seanca gjyqësore ku do të jepet dhe vendimi për ish-ministrin e Brendshëm, Saimir Tahiri.
Ai u paraqit pak para nisjes së seancës gjyqësore në ambientet e Gjykatës së Posaçme të Apelit kundër Korrupsionit dhe Krimit të organizuar, i shoqëruar nga avokati i tij Maks Haxhia.
Tahiri u shfaq i buzëqeshur, ndërsa nuk i ka kursyer batutat me një nga operatorët që po e filmonte, pasi ai po humbte ekuilibrin.
“Kështu e hanë të gjithë”– komenton Tahiri ndërsa vijon rrugën për t’u futur brenda në institucion.
