Kosova ka shënuar një rënie të rasteve me koronavirus teksa 69 u shënuan në 24 orët e fundit. Ndërkohë numri i të shëruarve mbetet më i lartë sot se atyre të infektuarve pasi 75 pacientë kanë fituar plotësisht betejën me koronavirusin.
Bilanci total ka shkuar në 2 mijë e 432 të infektuar ndërkohë në njoftimin zyrtar IKSHPKH thotë se tashmë janë 42 viktima nga COVID-19 në Kosovë që kanë pasur edhe sëmundje të tjera shoqëruese.
NJOFTIMI
75 TË SHËRUAR DHE 69 RASTE ME COVID-19!
Sot më 25 qershor 2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 281 mostra të marra nga Klinika Infektive dhe gjurmimi i kontakteve të rasteve në terren.
Me SARS-CoV-2, janë konfirmuar 69 raste.
Rastet pozitive janë nga: komuna e Prishtinës 37 raste, komuna e Istogut 8 raste, komuna e Prizrenit 5 raste, komuna e Fushë Kosovës 5 raste, komuna e Mitrovicës 3 raste, komuna e Ferizajt 2 raste, dhe me nga 1 rast komunat: Drenas, Rahovec, Klinë, Lipjan, Obiliq, Pejë, Suharekë, Viti dhe Vushtrri.
Sot më 25 qershor 2020, janë shëruar 75 pacientë derisa numri i përgjithshëm i të shëruarve deri më sot është gjithsej 1.246 raste, kurse raste aktive 1144.
Nga data 08 shkurt deri më 25 qershor 2020, në Laboratorin e Mikrobiologjisë Molekulare në IKSHPK me metodën RT-PCR, janë testuar gjithsej 22.725 persona të dyshimtë në virusin SARS-CoV-2 dhe prej tyre pozitive rezultojnë gjithsej 2.432 raste, me gjithsej 42 raste të vdekjes të cilët kanë pasur sëmundje të tjera shoqëruese.
