Policia e shtetit është vënë në veprim në zbatimin e masave për parandalimin e përhapjes së virusit Sars-Cov 2 duke dalë në terren për kontrollimin e personave që janë në karantinë.
Kryeministri Edi Rama ka publikuar videon ku bën apel që të mos thyejnë rregullat kushdo që është i prekur me koronavirus pasi “policia i di të gjitha dhe kontrollet vazhdojnë”.
“Policia vazhdon punën dhe Covid-i gjithashtu, por këto mesazhe njerëzore nga takimet me punonjësit e policisë së shtetit shërbejnë për këdo. Kushdo që është i prekur nga Covid19 nuk duhet të thyejë rregullat dhe karantinën. Policia i di të gjitha dhe kontrollet do të vijojnë! Shëndeti mbi të gjitha“-shkruan Rama.
