Shtetet e Bashkuara po shikojnë gjithnjë e më tepër mundësinë për të ndaluar aplikacionet e mediave sociale kineze, përfshirë “TikTok-un”. Pas mosmarrëveshjeve të fundit mes SHBA-së dhe Kinës, mendohet që kjo zgjedhje duhet bërë për të ruajtur sigurinë kombëtare e për të mos mbetur në dorë të Partisë Komuniste Kineze.
Gjatë një interviste në Fox News me Laura Ingraham, Pompeo tha se “ne po e marrim shumë seriozisht mundësinë për t’i mbyllur rrjetet sociale kineze.”
“Në lidhje me aplikacionet kineze në celularët e njerëzve, mund t’ju siguroj se Shtetet e Bashkuara do ta marrin këtë të drejtë, Laura.” tha ai duke vazhduar: “Unë nuk dua të dal para Presidentit, por është diçka që ne po e shohim.”
“TikTok udhëhiqet nga një Drejtor i Përgjithshëm Amerikan, me qindra të punësuar dhe udhëheqës kryesorë për sigurinë, sigurinë, produktin dhe politikën publike këtu në SHBA.”, tha një zëdhënës i TikTok në një deklaratë pas komenteve të Pompeo. “Ne nuk kemi përparësi më të lartë sesa promovimi i një përvoje të sigurtë të aplikacioneve për përdoruesit tanë. Ne kurrë nuk kemi siguruar të dhëna përdoruesi për qeverinë kineze, as nuk do ta bënim këtë edhe nëse kërkohet.”
Vërejtjet e Pompeos vijnë gjatë një kohe tensionesh të ngritura midis Shteteve të Bashkuara dhe Kinës, tensione të përhapura në disa arena, përfshirë sigurinë kombëtare, tregtinë dhe teknologjinë.
TikTok – i cili është pronë e ByteDance me bazë në Pekin – është kritikuar në mënyrë të përsëritur nga politikanët amerikanë të si një kërcënim për sigurinë kombëtare për shkak të lidhjeve të saj me Kinën. Ata pretendojnë se kompania mund të detyrohet të “mbështesë dhe bashkëpunojë me punën e inteligjencës të kontrolluar nga Partia Komuniste Kineze”.
TikTok ka thënë më parë se operon veçmas nga ByteDance, se qendrat e tij të të dhënave janë vendosur plotësisht jashtë Kinës, dhe se asnjë prej këtyre të dhënave nuk i nënshtrohet ligjit kinez.
Të dhënat e përdoruesve të SHBA.-së ruhen në Shtetet e Bashkuara, me një kopje rezervë në Singapor, sipas TikTok. Një zëdhënës për kompaninë i tha CNN Business në maj se mendon se shqetësimet e sigurisë kombëtare janë “të pabazuara”.
Aplikacioni ka fituar mjaft popullaritet në Shtetet e Bashkuara dhe vendet e tjera perëndimore, duke u bërë platforma e parë kineze e mediave sociale që fiton kaq shumë vëmendje nga përdoruesit jashtë vendlindjes. Sipas kompanisë së analitikës, Sensor Toëer, u shkarkua 315 milion herë në tre muajt e parë të këtij viti, më shumë shkarkime se çdo aplikacion tjetër në histori,.
