Spanjolli Fernando Alonso i është rikthyer sërish Formulës 1 pas disa vitesh mungesë.
Piloti spanjoll u largua nga garimi në vitin 2018 por tani ka vendosur të rikthehet sërish në pistë. Ai do jetë piloti i kompanisë franceze Renault që e ka pritur krahëhapur.
“Renault është familja ime. Kujtimet më të shtrenjta në Formula 1 dhe dy titujt kampionë i kam fituar këtu por tani shoh përpara për të tjera suksese.” – ka thënë Alonso.
38-vjeçari është një nga pilotët veteranë të Formula 1. Ai është shpallur kampion dy vite radhazi me Renault, 2005 e 2006. Asturiani do rikthehet të garojë sezonin e ardhshëm.