Të shtunën pasdite policia e Kosovës ka ndërprerë një festë në shkollën “Gjin Gazulli” në Prishtinë.
Sipas televizionit Klan Kosova, kjo ishte një festë surprizë e organizuar për drejtoreshën e kësaj shkolle e cila ka dalë në pension dhe kishte dhe ditëlindjen.
Stafi i shkollës kishte neglizhuar vendimin e qeverisë për të ndaluar grumbullimet, duke organizuar festën në ambientet sportive të shkollës.
Me ndërhyrjen e policisë, pjesëmarrësit i janë bindur urdhrit të policisë dhe janë larguar menjëherë. Të afërm të drejtoreshës thonë se festa ka qenë e shkurtër.
