Templates by BIGtheme NET

Ndërron jetë një tjetër mjek si pasojë e Covid-19 në vendin tonë

Ka ndërruar jetë nga koronabirusi një tjetër mjek, pneumologu Anibal Byberi.

Ministria e Shëndetësisë dhe Mbrojtjes Sociale ka konfirmuar lajmin duke thënë se mjeku ishte i shtruar në spitalin “Shefqet Ndroqi”, pasi ishte i infektuar nga Covid-19.

“Mjeku pneumolog 53-vjeçar, me origjinë nga Tropoja është konfirmuar pozitiv me virusin e rrezikshëm pak ditë më parë dhe vijonte trajtimin në banesë.

Pas rëndimit të gjendjes shëndetësore, mjeku Byberi është paraqitur në Urgjencën e Spitalit Universitar “Shefqet Ndroqi”, ku pavarësisht ndihmës së menjëhershme të ofruar nga stafi mjekësor, fatkeqësisht nuk ka mundur të mbijetojë si pasojë e insuficencës së rëndë respiratore.”– thuhet në njoftimin e ministrisë.

Ministria gjithashtu thotë se mjeku Byberi vuante nga psoriasis, një sëmundje lëkure dhe obeziteti.

Byberi ka punuar për shumë vite në vendlindjen e tij në Tropojë e për disa kohë ka punuar dhe si mjek në burgun 302. Edhe pse për momentin nuk ishte në punë, këto ditë ai do të konkuronte në portalin “Mjekë për Shqipërinë”.

Komento

Adresa e email nuk do te publikohet. Fushat jane te domosdoshme *

*